कार्यक्रम उत्पादक तथा प्रस्तोता आवश्यकता सम्बन्धि सोलुखुम्बुको सुचना प्रदेश नम्बर १ कै पहिलो सामुदायिक रेडियो १ हजार वाट क्षमता मार्फत प्रदेश नम्बर १, २ र ३ को सम्पुर्ण भुभागका प्रशारण क्षमताको सोलु एफ एम १०१.२ मेगाहर्जमा आकर्षक सेवा सुविधा सहित समाचार सहायक, कार्यक्रम उत्पादक तथा प्रस्तोता केहि संख्यामा आवश्यक परेकाले इच्छुक योग्यता पुगेका नेपाली नागरिकबाट दरखास्त आवहान गरिन्छ । शैक्षिक योग्यता ः पत्रकारीता बिषयमा आईएड वा सो सरह उत्तीर्ण गरि रेडियोमा समाचार तथा कार्यक्रमको क्षेत्रमा कम्तीमा १ बर्षको कार्यअनुभव भएको । उमेर ः १८ वर्ष पुरा भई ४५ बर्ष ननाघेको, रेडियो तोकेको जुनसुकै क्षेत्रमा गई काम गर्नसक्ने थप जानकारीका लागि मो. ९८५२८५१००७, ९८०८९२५४४८ र ९८४२८६८४९३ इमेल मार्फत पनि निवेदन दिन सकिने छ । इमेल ठेगाना ः solufm@gmail.com सम्पर्क मिति २०७४ साल पुस ५ गते सम्म सेवा सुविधा खाना बस्न, गाडीभाडा सहित मासिक आपसी समझदारीमा ।
ताजा खबर

समाचार

  • स्वास्थ्य विमा दर्ता प्रक्रिया सोलुखुम्बु सहित ३ जिल्लामा बुधबारबाट सुरु

    news

     
    सृष्टि सुनुवार, सोलुखुम्बु
    असोज २५
    स्वास्थ्य सेवा उपयोगको क्रममा पर्न सक्ने आर्थिक जोखिम कम गर्न नेपाल सरकारले सुरुवात गरेको स्वास्थ्य विमा कार्यक्रमको दर्ता प्रक्रिया बुधबारबाट थप ३ जिल्लामा एक साथ सुरु भएको छ ।
     
    सोलुखुम्बु, झापा, सुनसरीमा दर्ता प्रक्रिया प्रारम्भ भएको हो । हाल सम्म विभिन्न १९ वटा जिल्लामा यो कार्यक्रम सन्चालित छ । आर्थिक बर्ष २०७४/७५ सम्म ३९ वटा जिल्लामा पुर्याउने योजना अनुसार सामाजिक स्वास्थ्य सुरक्षा विकास समितिले काम गरीरहेको समितिका तर्फबाट सोलुखुम्बुका जिल्लाका लागि संयोजक प्रदिप बाबु बस्नेतले जानकारी दिनुभयो ।
     
    गुणस्तरीय स्वास्थ्य सेवा सबै नागरीकलाई उपलब्ध गराउने र आर्थिक जोखिम न्यून गर्ने राज्यको राष्ट्रिय प्रतिवद्धता अनुसार कैलालीबाट सामाजिक स्वास्थ्य सुरक्षा कार्यक्रम (स्वास्थ्य विमा)को सुरुवात गरिएको थियो ।
     
    सोलुखुम्बुको सोलु दुधकुण्ड नगरपालिकामा मेयर नाम्गेल जाङ्बु शेर्पाले आफ्नो परिवारको विमा गर्दै दर्ता प्रक्रियाको सुरुवात गर्नुभएको छ ।  जिल्ला स्वास्थ्य कार्यालयको समन्वयमा सामाजिक स्वास्थ्य सुरक्षा विकास समिति सोेलुखुम्बुको आयोजनामा गरिएको औपचारीक कार्यक्रममा मेयर शेर्पाको परिवारमा रहेको ४ जना सदस्यले २५ सय तिरेर स्वास्थ्य विमा गराएको हो ।
     
    स्वास्थ्य बिमा दर्ता प्रक्रियाका लागि ३८ जना दर्ता सहयोगीहरु वडागत  तहमा  परिचालित हुने छन् । खुम्बु पासाङल्हमु गाउँपालिका बाहेकका गाउँपालिका सहित नगरपालिकामा दर्ता कार्यक्रम संचालन हुने संयोजक बस्नेतले जानकारी दिनुभयो । पर्यटकीय सिजन तथा चाडपर्वका कारण खुम्बुपासाङल्हमु गाउँपालिकामा दर्ता सहयोगी छनौट तथा अभिमुखीकरण गर्न नसकिएको भन्दै बस्नेतले गाउँपालिका सगँ समन्वय गरी चाडै कार्यक्रम सन्चालन गरिने उल्लेख गर्नुभएको छ ।
     
    सोलुखुम्बुका सबै सरोकारवाला स्वास्थ्य विमा कार्यक्रम प्रति सकारात्मक रहेका छन् । आर्थिक अभावकै कारण कसैले अकालमै ज्यान गुमाउनु पर्ने अवस्थाको अन्त्य गर्नका लागि यस कार्यक्रमले भुमिका खेल्ने विश्वास उहाँहरुको रहेको छ । ५ जना सम्मको परिवारले २५ सय तिरेर १ बर्ष सम्मका लागि ५० हजार सम्मको सेवा प्राप्त गर्न सक्नेछन्  । सोलुखुम्बुको हकमा विमा गरेका सदस्यहरुले जिल्ला अस्पताल फाप्लु, प्राथमिक स्वास्थ्य केन्द्र सोताङ र सल्यानमा  सेवा लिन सक्नेछन् ।
     
    सोलुखुम्बुमा  बुधबार देखि सामाजिक स्वास्थ्य सुरक्षा ( स्वास्थ्य विमा ) दर्ता कार्यक्रम सुरु भएको छ । नागरीक समाज सोलुखुम्बुका अध्यक्ष कुल नारायण श्रेष्ठले आफु स्वस्थ भएपछि मात्र देशका लागि केही गर्न सकिने भन्दै सरकारले लिएको कार्यक्रम सफल बनाउन सबैको दायित्व भएको बताउनुभयो ।  स्वास्थ्य विमा कार्यक्रमलाई प्रभावकारी बनाउन तथा जनसहभागितालाई व्यापक गराउनका लागि सक्दो सहयोग गर्ने नेपाल रेडक्रम सोसाइटीका  सभापति रामकाजी श्रेष्ठले प्रतिवद्धता व्यक्त गर्नुभयो ।
     
    निमित्त प्रमुख जिल्ला अधिकारी सरस्वती खनालले सबै नागरिकलाई आधारभुत स्वास्थ्य सेवा उपलब्ध गराउनका लागि यो कार्यक्रम आएको भन्दै निम्न वर्गका नागरीकलाई लाभ पुर्याउन सक्नुपर्नेमा जोड दिनुभयो । जिल्ला स्वास्थ्य कार्यालय सोलुखुम्बुका प्रमुख डाक्टर मिङमार छिरीङ शेर्पाले विमा प्रक्रियाका क्रममा आउन सक्ने जटिलताहरुलाई समाधान गर्दै अघि बढ्ने बताउनुभयो ।
     
     सोलुदुधकुण्ड नगरपालिकाकी निमित्त कार्यकारी अधिकृत इन्दिरा थापाले आर्थिक अभाव, जनेचतनाको कमी आदिका कारण स्वास्थ्य सेवाको पहुँच भन्दा टाढा रहेकालाई विमा कार्यक्रमले समेट्न सक्नुपर्ने बताउनुभयो । उहाँले ७० बर्ष भन्दा माथिका वृद्धावृद्धलाई नगरपालिकाले नै विमा गराईदिने निती नगरपालिकाले लिएको जानकारी दिनुभयो ।
     
    सोलुदुधकुण्ड नगरपालिकाका मेयर नाम्गेल जाङ्बु शेर्पाले कार्यक्रम सफल बनाउन नगरपालिकाले आवश्यक सहयोग तथा समन्वय गर्न तयार रहेको भन्दै विमा गरेका सदस्यहरुलाई सेवा दिने अस्पताल तयारी अवस्थामा रहन निर्देशन दिनुभयो । उहाँले सेवा ग्राहीको चाप बढ्न सक्ने भएकाले आवश्यक जनशक्ति, प्रविधिलाई चुस्त राखेर प्रभावकारी सेवा दिन सक्नुपर्नेमा जोड दिनुभयो ।
     
    सामाजिक स्वास्थ्य सुरक्षा कार्यक्रममा जुनसुकै समयमा सदस्य बन्न सकिन्छ तर सेवा सुरु हुन भने निश्चित समय कुर्नुपर्ने हुन्छ । असोजमा सदस्य बन्नेले मंसिर १ गतेबाट सुचीकृत स्वास्थ्य संस्थाबाट सेवा लिन सक्ने छन् ।  

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org