कार्यक्रम उत्पादक तथा प्रस्तोता आवश्यकता सम्बन्धि सोलुखुम्बुको सुचना प्रदेश नम्बर १ कै पहिलो सामुदायिक रेडियो १ हजार वाट क्षमता मार्फत प्रदेश नम्बर १, २ र ३ को सम्पुर्ण भुभागका प्रशारण क्षमताको सोलु एफ एम १०१.२ मेगाहर्जमा आकर्षक सेवा सुविधा सहित समाचार सहायक, कार्यक्रम उत्पादक तथा प्रस्तोता केहि संख्यामा आवश्यक परेकाले इच्छुक योग्यता पुगेका नेपाली नागरिकबाट दरखास्त आवहान गरिन्छ । शैक्षिक योग्यता ः पत्रकारीता बिषयमा आईएड वा सो सरह उत्तीर्ण गरि रेडियोमा समाचार तथा कार्यक्रमको क्षेत्रमा कम्तीमा १ बर्षको कार्यअनुभव भएको । उमेर ः १८ वर्ष पुरा भई ४५ बर्ष ननाघेको, रेडियो तोकेको जुनसुकै क्षेत्रमा गई काम गर्नसक्ने थप जानकारीका लागि मो. ९८५२८५१००७, ९८०८९२५४४८ र ९८४२८६८४९३ इमेल मार्फत पनि निवेदन दिन सकिने छ । इमेल ठेगाना ः solufm@gmail.com सम्पर्क मिति २०७४ साल पुस ५ गते सम्म सेवा सुविधा खाना बस्न, गाडीभाडा सहित मासिक आपसी समझदारीमा ।
ताजा खबर

समाचार

  • ‘कालिका एफएम’ देखि सिनेमाको पर्दासम्म

    news

    वर्तमान समय नेपाली फिल्म उद्योगमा लोकप्रिय अभिनेत्रीको कुरा गर्ने हो भने त्यसमा बेनिशा हमालको नाम पनि आउँछ । राजबल्लभ कोइरालासँग ‘स्वर’ फिल्मबाट डेब्यु गरेकी बेनिशाले ‘मोक्ष’, ‘महशुस’ र ‘कालोपोथी’बाट झनै दर्शकको माया पाईन् । मध्यम वर्गीय परिवारमा जन्मिएकी बेनिशा रेडियो कार्यक्रम प्रस्तोता, टेलिभिजन कार्यक्रम होस्ट र म्युजिक भिडियो हुँदै फिल्मको पर्दासम्म आईपुगेकी हुन् । उनले मुख्य भूमिका निर्वाह गरेको फिल्म ‘झ्यानाकुटी’ हलमा प्रदर्शनरत छ । यसै सन्दर्भमा बेनिशा हमालको फिल्मी यात्रालाई यहाँ प्रस्तुत गरिएको छ ।

     

    बेनिशा हमालको जन्म चितवन जिल्लाको गीतानगरमा वि.सं २०४७ श्रावण १० गते भएको थियो । बाल्यकाल देखि नै उनि निकै पढ्न रुचाउँथिन् । ज्ञानी थिईन् । अक्सर धेरै पढ्ने भएकोले उनका त्यति धेरै साथी थिएनन् । उनले गाउँकै गोल्डेन फिउचर बोर्डिङ स्कुलमा प्राथमिक तहसम्म पढिन् । गाउँकै अरुणोदय माध्यमिक विद्यालयबाट एसएलसी उत्तिर्ण गरेकी बेनिशा स्कुलको फस्ट गर्ल थिईन् । स्कुल पढ्दा उनलाई विद्यार्थी, शिक्षक सबैले औधी माया गर्थे । पढ्नमा अब्बल भएकोले पनि उनी सबैको नजरमा थिईन् ।

    एसएलसी पछि उनी प्लस टु पढ्न शान्ति एकाडेमी नारायणगढमा भर्ना भईन् । बेनिशाले अङ्ग्रेजी, समाजशास्त्र र पत्रकारीता विषय लिएर प्लस टु पढ्न थालेकी थिईन् । कक्षामा पत्रकारिता पढाउने शिक्षकले सधैँ समाचार पढ्न लगाउँथे । बेनिशा राम्रो समाचार पढ्थिन् । त्यसैले कक्षाका सबै साथीहरुले उनलाई भन्थेँ–”तिमी रेडियोमा काम गर”। उनको कलेज नजिकै ‘कालिका एफएम’ थियो । त्यो बेला ‘कालिका एफएम’ले ‘आरजे आईडल’ सुरु गरेको थियो । एक दिन साथीले ‘आरजे आईडल’को फर्म ल्याएर आए । बेनिशाले पनि फर्म भरिन् । ‘आरजे आईडल’मा ७ सय प्रतिष्पर्धीबाट छानिँदै उनी उत्कृष्ट १०० जनामा परिन् । त्यसपछि उनमा झनै हौसला थपियो । टप ३० हुँदै टप ३ आरजेमा परिन् । टप तीनमा पर्नेलाई एफएमले काम गर्ने अवसर दियो । र बेनिशा आरजे भईन् । उनी मिडियामा आवद्ध भईन् ।

    रेडियोमा काम गरे सँगै उनले सम्बन्ध बढाईन् । काठमाडौँबाट पुगेका सेलिब्रेटीको अन्र्तवार्ता लिन्थिन् । उनी चितवनमा चर्चित आरजेको रुपमा स्थापित भईन् । प्लस टुको परिक्षा आउँदै थियो । उनले ‘कालिका एफएम’बाट राजीनामा दिईन् । कारण उनको पढाई केहि कमजोर भएको थियो । पढाई र कामलाई सँगै लैजानु चुनौतीपुर्ण थियो । प्लस टुको परिक्षा सकियो । उनले थप अध्ययनका लागि काठमाडौँलाई गन्तब्य बनाईन । तर घर छाडेर लामो समय टाढा कहिल्यै नगएकोले उनको बुवाले मानेनन् । तर पछि बसुन्धारा स्थित मामाको घरमा बसेर पढ्ने भएपछि बुवाले पनि सहमति जनाए । अङ्ग्रेजी र पत्रकारीता विषय लिएर बेनिशाले स्नातक तह पढ्न थालिन् ।

    एकदिन उनको मोबाईलको घण्टी बज्यो । फोन थियो मिडियाकर्मी एवं कलाकार सुरेश दर्पण पोख्रेलेको । फोन रिसिभ गरिन् । सुरेश दर्पणले उनलाई ‘च्यानल नेपाल’ टेलिभिजनमा कार्यक्रम होस्ट गर्न प्रस्ताव गरे । उनले हुन्छ भनिन् । बेनिशाको चिनजान सुरेश दर्पणसँग ‘कालिका एफएम’मा काम गर्दा देखि नै थियो । त्यसपछि उनले ‘च्यानल नेपाल’को स्टुडियोमा गएर स्क्रिन टेस्ट पनि दिईन् । सेलेक्ट पनि भईन् । ‘च्यानल नेपाल’मा एक वर्ष काम गरिन् । त्यहाँ काम गर्दा गर्दै बेनिशाको चिनजान निर्देशक प्रशन्न पौडेलसँग भयो । प्रशन्न पौडेलले म्युजिक भिडियोमा मोडलिङ गर्न प्रस्ताव गरे । उनले स्विकारिन् । र पहिलोपटक म्युजिक भिडियोमा डेब्यु गरिन् ।

    पहिलो म्युजिक भिडियो पछि बेनिशाले ‘एमएम न्युडल्स’को विज्ञापनमा पनि मोडलिङ गरिन् । त्यो विज्ञापन सबैले मन पराए । समय वित्दै गयो । उनको पढाई पनि राम्रो चलिरहेको थियो । म्युजिक भिडियो गरिसकेको करिब ६ महिना पछि एकदिन उनको मोबाइलमा प्रशन्नको फोन आयो । प्रशन्नले ‘तिम्रो क्यारेक्टर मिल्ने एउटा फिल्म बनाउँदै छु, फिल्म गर्ने हो ?’ भनेर सोधे । उनले ‘म स्क्रिप्ट हेर्छु’ भनिन् । स्क्रिप्ट हेरिन्, मनपर्यो । तर समस्या आईपर्यो, बुवालाई कसरी सहमत गराउने । उनलाई बुवाले मास्टर्स गरेर मात्रै फिल्ममा हात हाल्न भनिरहेका थिए । पछि प्रशन्न पौडेल घरमै गएर बेनिशाको बुवालाई भेटेपछि अन्तमाः बुवाले पनि सहमति जनाए । अनि बेनिशाले फिल्ममा डेब्यु गरिन् । फिल्मको नाम थियो ‘स्वर’ । जसमा राजबल्लभ कोइराला उनको अपोजिटमा थिए । साथै केकी अधिकारी पनि मुख्य भूमिकामा थिईन् ।

    उनले ‘स्वर’ फिल्म केवल अनुभवका लागि गरेकी थिईन् । तर अनुभवका लागि गरेको फिल्म नै पछि एडिक्सन् भयो । पहिलो फिल्मबाट उनले आफ्ना गल्ति कमजोरीहरु थाहा पाईन् । उनले याक्टिङ कोर्ष गरिन् । राम्रो अभिनेत्री बन्ने कोशिमा लागिन् । तर म्युजिक भिडियोमा भने उनको क्रेज उतिकै थियो । उनले एक सय पचास भन्दा बढि म्युजिक भिडियोमा काम गरिसकेकी छिन् । ‘स्वर’ पछि उनले ‘महशुस’, ‘मोक्ष’, ‘कालोपोथी’ जस्ता फिल्ममा काम गरिन् । पहिलो फिल्मबाट खासै सफलता नपाएकी बेनीशा दोस्रो, तेस्रोबाट दर्शकहरुको प्रिय बनिन् ।

    पहिले आफ्नो चाहना फिल्म क्षेत्रमा आउने नभए पनि जीन्दगीमा आफु सहि ठाउँमा रहेको उनी महशुस गर्छिन् । दर्शकहरुको माया, सदभाव र सकारात्मक टिप्पणीले आफुलाई ठुलो हौसला मिल्ने उनी बताउँछिन् । सुरु सुरुमा उनी बारे मिडियामा आउने गसिपले बेनिशालाई निकै पिरोल्थ्यो । तर अब उनलाई बानी परिसक्यो । मिडियामा आएका गसिपलाई रमाईलोको रुपमा लिन्छिन् । हाल उनी अभिनित फिल्म ‘झ्यानाकुटी’ हलहरुमा प्रदर्शन भइरहेको छ । बेनीशाले यो फिल्ममा गरेको अभिनयको सबैले प्रशंसा गरेका छन् । ‘झ्यानाकुटी’मा मालतीको भूमिका निर्वाह गरेर बेनिशाले ‘म पनि क्षमतावान अभिनेत्री हुँ है’ भन्ने दरिलो प्रमाण दिएकी छिन् । राम्रो ब्यापार गरिरहेको फिल्म सफल हुनुको क्रेडिट बेनिशालाई पनि जान्छ । ‘झ्यानाकुटी’को सफलताले बेनिशालाई थप उचाईमा पुर्याएको छ ।

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org