कार्यक्रम उत्पादक तथा प्रस्तोता आवश्यकता सम्बन्धि सोलुखुम्बुको सुचना प्रदेश नम्बर १ कै पहिलो सामुदायिक रेडियो १ हजार वाट क्षमता मार्फत प्रदेश नम्बर १, २ र ३ को सम्पुर्ण भुभागका प्रशारण क्षमताको सोलु एफ एम १०१.२ मेगाहर्जमा आकर्षक सेवा सुविधा सहित समाचार सहायक, कार्यक्रम उत्पादक तथा प्रस्तोता केहि संख्यामा आवश्यक परेकाले इच्छुक योग्यता पुगेका नेपाली नागरिकबाट दरखास्त आवहान गरिन्छ । शैक्षिक योग्यता ः पत्रकारीता बिषयमा आईएड वा सो सरह उत्तीर्ण गरि रेडियोमा समाचार तथा कार्यक्रमको क्षेत्रमा कम्तीमा १ बर्षको कार्यअनुभव भएको । उमेर ः १८ वर्ष पुरा भई ४५ बर्ष ननाघेको, रेडियो तोकेको जुनसुकै क्षेत्रमा गई काम गर्नसक्ने थप जानकारीका लागि मो. ९८५२८५१००७, ९८०८९२५४४८ र ९८४२८६८४९३ इमेल मार्फत पनि निवेदन दिन सकिने छ । इमेल ठेगाना ः solufm@gmail.com सम्पर्क मिति २०७४ साल पुस ५ गते सम्म सेवा सुविधा खाना बस्न, गाडीभाडा सहित मासिक आपसी समझदारीमा ।
ताजा खबर

समाचार

  • को थिए अदालतमै विष पिएर मृत्युवरण गर्ने स्लोबोदान प्राल्याक ?

    news

    बोस्नियाको गृहयुद्धका युद्ध अपराधी पूर्व सैनिक कमाण्डर स्लोबोदान प्राल्याकले हेगमा चलिरहेको सुनुवाईकै क्रममा विष पिएका थिए । ७२ वर्षीय प्राल्याकको अस्पतालमा उपचारको क्रममा मृत्यु भएको छ । 

    स्लोबोदानसँगै ६ जना सैन्य अधिकारी तथा राजनीतिक नेताको मुद्धामा बुधबार हेगमा रहेको अन्तर्राष्ट्रिय आपराधिक न्यायालयमा सुनुवाई भैरहेको थियो । बोस्निया क्रोएसियाको सेना एचभिओ) का पूर्व कमाण्डरसमेत रहेका प्राल्याकलाई मानवता विरोधी अपराधमा सजाय सुनाइएको थियो । अदालतले आफ्नो सजाय कायमै राखेको थाहा पाएपछि उनले ‘मैले विष पिएको छु’ भनेका थिए । लगत्तै एम्बुलेन्स बोलाएर उनलाई अस्पताल पुर्‍याइए पनि उनको उपचारका क्रममा मृत्यु भएको थियो । 

    स्लोबोदानलाई मोस्टार सहरमा गरिएको युद्ध अपराधका लागि सन् २०१३  मा २० वर्षको जेल सजाय सुनाइएको थियो । बुधबार त्यसै सजायविरुद्ध गरिएको अन्तिम अपिलमा सुनुवाई भैरहेको थियो । 

    अन्तर्राष्ट्रिय अदालतका न्यायाधीशका अनुुसार प्राल्याकले सन् १९९३ मा सूचना पाउँदा पाउँदै पनि मुस्लिम समुदायमाथि सैनिकहरुले गरेको अत्याचारलाई रोक्न पहल गरेका थिएनन् । उनी घटनासँग जानकार रहँदा रहँदै पनि केही पहल गरेनन् । जसमा सयौँ मुस्लिम नागरिकको हत्या हुनुका साथै ऐतिहासिक मस्जिद भत्काइएको थियो । 

    सन् १९९५ मा बोस्नियाको सेनाले पूर्वी बोस्नियामा झण्डै ८००० मुस्लिम नागरिकको हत्या गरेको थियो । यसलाई द्वितीय विश्व युद्धपछिको सबैभन्दा ठूलो अत्याचारका रुपमा लिइने गरेको छ । 

    स्लोबोदानका बारेमा केही तथ्य 

    १९४५: स्लोबोदान प्राल्याकको जन्म केप्लिजिना(हालको बोस्निया–हर्जगोविना) मा भएको थियो । 

    १९७०–७२ः  इन्जिनियरिङ, दर्शनशास्त्र, समाजशास्त्र तथा नाटकमा स्नातक 

    १९७०–८०ः बोस्नियामा युद्ध सुरु हुनुभन्दा पहिले प्राल्यकाले धेरै वर्ष अध्यापन गरे । उनले विभिन्न शैक्षिक संस्थामा दर्शन तथा समाजशास्त्र विषय अध्यापन गरे । उनले थिएटर निर्देशकका रुमा पनि काम गरे । उनले विभिन्न वृत्तचित्र पनि बनाएका छन् । 

    १९८९ः  क्रोएसियाली सेनामा प्रवेश गर्नुभन्दा पहिले उनले ‘द रिटर्न अफ क्याटरिना कोजुल’ नामक चलचित्रको निर्देशन गरेका थिए । 

    १९९१ः युगोस्लाभियामा युद्ध सुरु हुनुभन्दा पहिले क्रोएसियाली सेनामा प्रवेश गरे । मेजर जनलर ¥याङ्कमा उनी पदोन्नत भए । 

    १९९३ः बोस्नियाली क्रोएट डिफेन्स फोर्सका कमाण्डर बने । उनलाई हतियार वितरणमा विशेष भूमिका प्रदान गरियो । 

    १९९४ः मार्चमा अमेरिकामा क्रोएसियाली तथा मुस्लिम सेनाका नेता बीच एक युद्धविराम सम्झौता भयो । 
    युद्धपश्चात उनी व्यवसायमा लागे । राजधानीमा उनले होटेल, बिल्डिङ तथा रेस्टुरेन्टमा लगानी गरे र 

    २००४ः आफूविरुद्ध लागेको विभिन्न आरोपमा निर्दोष रहेको भन्दै उनी अन्तर्राष्ट्रिय अदालत हेग पुगे । अस्थायी रुपमा उनको रिहाई भयो । यसै वर्ष मोस्टारमा रहेको ऐतिहासिक पुलको पुनर्निर्माण गरियो ।

    २०१२ः हेगको सैन्य कारागरमा फर्कन आदेश दिइयो । 

    २०१३ः मानवता विरोधी युद्ध अपराधमा दोषी ठहराउँदै उनलाई २० वर्षको जेल सजाय सुनाइयो । 

    २९ नोभेम्बर २०१७ः जेल सजायविरुद्ध गरेको अन्तिम अपिलमा सुनुवाई भैरहेको समयमा अदालतमै उनले विष पिए । उपाचारका लागि अस्पताल लगिए पनि उनको अस्पतालमै मृत्यु भयो । 

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org