ताजा खबर

समाचार

  • लैगिंक हिसां निवारणका लागि एकजुट हुनुपर्छः रश्मी श्रेष्ठ

    १६ मंसिर–महिला विकास अधिकृत रश्मी श्रेष्ठले लैगिंक हिसां निवारणका लागि सबै जना एक जुट हुनुुपर्ने बताउनुभएको छ । उहाँले सरकारी, गैरकारी संस्था तथा संचारमाध्यम सबै मिलेर हिसां विरुद्ध आवाज उठाउदै जनचेतना जगाउनुपर्नेमा जोड दिनुभयो ।
     
    लिंगकै आधारमा हुने भेदभावमा बढि पिडित महिलाहरु हुने गरेको भएपनि पछिल्लो समय पुरुषहरु पनि पिडित हुने गरेको उहाँको भनाई छ । वैदेशिक रोजगारीको शिलशिलमा बाहिरा जाने क्रममा घरपरिवारमा विचलन आउने घटनाले पुरुषहरु मानसिक तथा आर्थिक रुपमा पिडीत बन्न पुगेको सोलुखुम्बुमै पनि उदाहरण रहेको उहाँले दावी गर्नुभयो । सोलुखुम्बुमा महिलाहरु माथि कुटपिट, शारीरिक यातना, गाली वेइज्जती, बहुविवाह, बालविवाह, बलात्कार, जबरजस्ती करणी, सम्पत्तिमा अधिकार कटौती जस्ता हिसा हुने गरेको छ । महिला विकास अधिकृत श्रेष्ठले घर भित्रको वा बाहिरा जताको भएपनि अन्याय सहन नहुने भन्दै यसका विरुद्धका शसक्तिकरणको खाँचो रहेको बताउनुभएको भयो । 
     
    जिल्ला प्रहरी कार्यालय सोलुखुम्बुले दिएको तथ्यांक अनुसार आर्थिक बर्ष २०७२/७३ बहुविवाहको २, जबरजस्ती करण उद्योगको ५, घरेलु हिसांको २०, कुटपिटको २९ वटा घटना दर्ता भएको छ । आर्थिक बर्ष २०७३÷७४ मा जबरजस्ती करणी उद्योगकको ५, घरेलु हिसांका २३ र कुटपिटका १४ वटा घटना दर्ता भएको छ । चालु आर्थिक बर्ष २०७४÷७५ मा जबरजस्ती करणको २, जबरजस्ती करणी उद्योगमा ४, कुटपिटका २ र घरेलु हिसांका ८ वटा मुद्धा दर्ता भएको छ । घटनाका दोषिहरुलाई उन्मुक्ति नपाउने जिल्ला प्रहरी कार्यालय सोलुखुम्बुले जनाएको छ । अहिले जिल्लामा लैगिंक हिसां विरुद्धको १६ दिने अभियानका क्रममा विभिन्न कार्यक्रम चलिरहेका छन् । 

Contact

Community Radio Solu FM 101.2 MHz - [First community radio of eastern Nepal
Dudhkunda Municipality 6, Dorpu Bazar, Solukhumbu
Contact No.
Web Site - www.radiosolu.org