समाचार

  • खोटाङमा प्रत्यक्षतर्फ भारी मतान्तरले सबै नतिजा वाम गठबन्धनको पक्षमा

    news

    रामधन राई÷खोटाङ, 
    मंसिर–२४,  एक प्रतिनिधिसभा सदस्य तथा दुई प्रदेश सभा सदस्य निर्बाचित हुने ब्यवस्था भएको खोटाङमा प्रत्यक्ष निर्बाचन तर्फ बाम गठबन्धनले भारी मतान्तरका साथ सबै नतिजा आफ्नो पक्षमा पारेका छन् । उक्त गठबन्धनको तर्फबाट प्रतिनिधि सभातर्फ १३ हजार ७ सय ७ तथा प्रदेश(क) तर्फ ५ हजार ५ सय २२ र (ख) तर्फ ६ हजार १ सय ३३ मत ल्याउँदै गठबन्धनले सबै नतिजा आफ्नो पक्षमा पारेका हुन् । 
     
    प्रतिनिधिसभा सदस्यमा बाम गठबन्धनको तर्फबाट प्रत्यक्ष उम्मेदवार नेकपा एमालेका विशाल भट्टराईले ३५ हजार ३ सय ७७ मत ल्याएर कांग्रेसका सरस्वती बजिमयलाई पराजित गर्नुभयो । निकटतम प्रतिस्पर्धी बजिमयले २१ हजार ६ सय १२ मत ल्याउनुभएको मुख्य निर्वाचन अधिकृतको कार्यालयले जनाएको छ । 
    यस्तै, प्रदेशसभा (क) तर्फ वाम गठबन्धनका प्रत्यक्ष तर्फ साझा उम्मेदवार एमालेका राजन राईले १८ हजार ९ सय ३३ मत ल्याउनुभयो भने प्रतिसपर्धी सुवासकुमार पोखरेलले १३ हजार ४ सय ११ मत प्राप्त गर्नुभएको छ । 
    प्रदेश (ख) मा खसेको कूल ३४ हजार ७ सय १५ मतमा माओबादी केन्द्रका तर्फबाट बिजयी रामकुमार राई पासाङले १८ हजार ३ सय ७२ मत ल्याउनुभयो  । बिष्णुले भने १२ हजार २ सय ३९ मत पाउनुभएको छ । 
     कूल एक लाख २५ हजार मतदाता रहेको जिल्लामा गत मंसिर १० गते भएको पहिलो चरणको निर्वाचनमा ७१ हजार १ सय ९१ मत खसेको जिल्ला निर्वाचन कार्यालयले जनाएको छ ।  
     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org