ताजा खबर

समाचार

  • करातेमा खोटाङ अब्बल, राष्ट्रिय प्रतियोगितामा प्रथम

    news

    मंसिर–२९,२०७४
    रामधन राई÷ सोलु एफ एम खोटाङ 
    आमन्त्रित राष्ट्रिय प्रतियोगितामा प्रथम उपाधी उचाल्दै करातेमा खोटाङ अब्बल भएको साबित गराएको छ । यसअघिका क्षेत्रिय तथा राष्ट्रिय तथा अन्र्तराष्ट्रिय प्रतियोगिताहरुमा समेत उत्साहजनक नतिजा ल्याउँदै आएको खोटाङका कराते खेलाडीहरुले जिल्लामै आयोजना गरिएको ‘प्रथम केपिलासगढी गाउँपालिका प्रमुख कप आमन्त्रित राष्ट्रिय कराते प्रतियोगितामापहिलो भएको हो । 
    दुई दिवसिय राष्ट्रिय कराते प्रतियोगितामा खोटाङले १२स्वर्ण, ३ रजत १ कास्यपदक कब्जा गरेको छ । “स्वस्थ र सभ्य समाज निर्माणका लागि खेलकुदको बिकास गरौ” भन्ने मुल नाराका साथकेपिलासगढी गाउँपालिका–४ बाक्सिलास्थित पृथ्वी उच्च माबिको खेलमैदानमा बुधबार सम्पन्न राष्ट्रिय कराँते प्रतियोगितामा सोलुखुम्बुले २ स्वर्ण २ कास्यपदक जितेर दोश्रो तथा १ स्वर्ण ४ कास्यपदक जितेर ओखलढुंगा तेश्रो भएका छन्।
    तेह्रथुमले अनुशासित टिम, नवलपरासीले उत्कृष्ट टिम व्यावस्थापन तथा खोटाङका नबिन राई र सिराहका निरमाया आले मगरले उत्कृष्ट खेलाडीको पुरस्कार पाएका छन् ।
    प्रतियोगितामा पुरुष कुमितेको ३० केजी तौल समुहमा धिरज राई खोटाङ प्रथम, कुमार तामाङ उदयपुर दोश्रो र आयोजक बाक्सिला योञ्जन राई तथा अरुण श्रेष्ठ ओखलढुंगा तेश्रो, ३५ केजी तौल समुहमा खोटाङकै रोशन श्रेष्ठ प्रथम, सिन्धुपाल्चोकका दिनेश भण्डारी दोश्रो र आयोजकका रोशन राई तथा ओखलढुंगाका पारस राई तेश्रो तथा ४० केजी तौल समुह अन्तरगत खोटाङका पर्शुराम राई पहिलो, सिन्धुपाल्चोकका प्रशान्त राइ दोश्रो, आयोजक प्रज्ज्वल लिम्बु तथा सिराहका निश्चल लामा तेश्रो, ४५ केजी तौल समुहमा सोलुखुम्बुका सुजन राई पहिलो, खोटाङका उत्साह राई दोश्रो तथा सिन्धुपाल्चोकका उमेश भुजेल र आयोजक बाक्सिलाका महेश राई तेश्रो भएका थिए ।
    यस्तै, पुरुष कुमिते ५० केजी तौल समुहमा ओखलढुंगाका मिलन राई प्रथम, खोटाङका मोतीचन्द्र राई दोश्रो, सिराहका आकाश थापा र सोलुखुम्बुका बिकल राई तेश्रो, ५५ केजी तौल समुहमा खोटाङका नबिन राई प्रथम, सिराहका दिलिप पासवन दोश्रो तथा आयोजक रुरीहाङ राई र तेह्रथुमका युनिक आचार्य तेश्रो भएका छन् । ६७ केजी तौल समुहमा खोटाङका सुजन राई पहिलो, ओखलढुंगाका बसन्त राई दोश्रो, नवलपरासीका सुवास कुमाल तथा सिन्धुपाल्चोकका अनिल श्रेष्ठ तेश्रो र ७५ केजी तौल समुह अन्तरगत खोटाङका ईश्वरधन राई पहिलो, नवलपरासीका अनिष श्रेष्ठ दोश्रो र सोलुम्बुका हरीकाजी राई र आयोजक बाक्सिलाका माउण्टेन राई तेश्रो भएका छन् । 
    महिला कुमितेको ४० केजी तौल समुहमा निशा राई खोटाङ प्रथम, गायत्री मगर उदयपुर दोश्रो, डुनु राई सोलुखुम्बु र मन्जरी जिमी तेह्रथुम तेश्रो,४५ केजी तौल समुहमा सिराहका निरमाया आले पहिलो, सोलुखुम्बुका बिना राई दोश्रो, खोटाङका युनिका राई र उदयपुरका चाँदनी राई तेश्रो भएकी छन् । ५० केजी तौल समुह अन्तरगत खोटाङका रोश्मा राई प्रथम, सिन्धुपाल्चोकका प्रिया राई दोश्रो, सिराहका खुश्बु खड्का तथा सोलुखुम्बुका भावना राई तेश्रो भएकी छन् । 
    यस्तै, महिलाकै ५५ केजी तौल समुह कुमितेमा खोटाङका विद्याकला राई प्रथम, सङछु डोल्मा तामाङ आयोजक दोश्रो र नवलपरासीका अन्जली बिक तथा ओखलढुंगाका सर्मिला श्रेष्ठ तेश्रो भएका थिए ।६१ केजी तौल समुहमा आयोजक समिता राई प्रथम, सोना राई सोलुखुम्बु दोश्रो, आयुष खापुन तेह्रथुम र निरुता तामाङ ओखलढुंगा तेश्रो तथा ६८ केजी तौल समुहमा मिसडोना राई खोटाङ पहिलो, बिनिता श्रेष्ठ ओखलढुंगा दोश्रो र ईशा राई सोलुखुम्बु, साङगे शेर्पा सिन्धुपाल्चोक तेश्रो भएकी हुन् ।
    यसैगरी, करातेको अर्को विधा महिला÷पुरुष एकलकाता ईभेण्टमा खोटाङले बाजी मारेको छ । महिलामा रोष्मा राई र पुरुषमा मोतीचन्द राईले पहिलो स्थान ल्याएका हुन् । सिन्धुपाल्चोककी साङगे शेर्पा द्धितीय, भोजपुरका गोमा राई र ओखलढुंगाका शर्मिला श्रेष्ठ तृतिय भएकी छन् । पुरुषतर्फ अरुण श्रेष्ठ ओखलढुंगा द्दितीय तथा सिन्धुपाल्चोकका बुद्धिमान तामाङ र  सिराहका सनम मगर तेश्रो भएका आयोजक बाक्सिला डोजो प्रमुख देउधन राईले बताए ।
    प्रतियोगिताका प्रथम टिम खोटाङले नगद ५० हजार, दोश्राटिम सोलुखुम्बुले ३० हजार र तेश्रो टिम ओखलढुंगाले २० हजारका साथमा ट्रफी र प्रमाणपत्र प्राप्त गरेका छन् । बिजयी टिम, प्रशिक्षक, रेफ्री, सहयोगीदाता लगायतलाई केपिलासगढी गाउँपालिका प्रमुख कृष्ण कुमार राई, उपप्रमुख हिरा कुमारी बन गिरी, नेपाल कराते महासंघका प्रबक्ता राजेश अधिकारी, खोटाङ कराते संस्थापक बरिष्ठ प्रशिक्षक नवराज राईले पुरस्कार वितरण गर्नुभएको थियो ।  
    केपीलासगढी गाउँपालिका बाक्सिला र नेपाल सितोरियो कराते संघ जिल्ला शाखा दिक्तेलको संयुक्त आयोजनामा भएको कार्यक्रममा १७ स्वर्णपदक, १७ रजतपदक ३४ कास्यपदकका लागि आयोजक टिम बाक्सिलासहित खोटाङ, सोलुखुम्बु, ओखलढुंगा, उदयपुर, सिराह, तेह्रथुम, भोजपुर, नवरपरासी र सिन्धुपाल्चोकका खेलाडीले प्रर्तिष्पर्धा गरेका थिए । कराते प्रतियोगितामा बिजयी टिमलाई प्रमाणपत्र, ट्रफी दिईदै आएको पुरानोे परम्परालाई नगदराशी पुरस्कार वितरण गरेर खोटाङले रेर्कड ब्रेक गरेकोे नेपाल सितोरियो करातेसंघ खोटाङका अध्यक्ष सन्जयकुमार राईले बताउनुभयो ।  
     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org