समाचार

  • प्रदेश न. १ को पहिलो बैठकमा शेर्पा पोसाकमा सजिएर पुगे सोलुखुम्बुका सासंद राजभण्डारी ।

    news

    सुबास दर्नाल,

    सोलु एफ एम, माग २२

    सोलुखुम्बु –सोलुखुम्बुवाट निर्वा्चित सांसद बुद्धिकुमार राजभण्डारी प्रदेश सभाको पहिलो बैठकमा शेर्पा पोशाकमा सहभागी हुनुभएको छ । प्रदेश सभा ख वाट विजयी भएका राजभण्डारीले चुनाब प्रचारका क्रममा गरेको वाचा अनुरुप शेर्पा पोशाक छुवा लगाएर बैठकमा सहभागी हुनुभएको हो ।  

    शेर्पा जातिको बाहुल्यता रहेको हिमाली जिल्ला सोलुखुम्बुमा रहेका शेर्पा जातीहरुको सम्मानका निम्ती आफु शेर्पा पोशाकमा प्रदेश सभाको पहिलो बैठकमा सहभागि भएको सासंद राजभण्डारीको भनाई छ । सबै जातजाति प्रति आफ्नो दृष्टिकोण सम्मान रहेको भन्दै राजभण्डारीले जातीय सद्भाव अझ मजबुत बनाउनु पर्ने बताउनुभयो । सासंद राजभण्डारीले आफुले चुनावको समयमा गरेको एउटा बाचा पुरा गरेको भन्दै जनभावना अनुसार आफुले काम गर्ने बताउनुभयो ।
    आफूले चुनाबी प्रचारका दौरानमा गरेका सबै कुराहरु प्राथमिकताका साथ पुरा गर्ने भन्दै उहाले नेपाललाई विश्वमा चिनाउन नेपाली शेर्पाहरुको भूमिका महत्वपूर्ण रहेका दाबी गर्नुभयो । सोलुखुम्बु जिल्लामा बसोबास गर्ने ११ जाति मध्ये सम्भव रहेसम्म सबै जातजातीको पोषाकमा लगाएर बैठकमान सहभागी हुने बताउनुभयो । उहाँले अन्य जातजातीको बाहुल्यता रहेको सोलुखुम्बुमा आफुलाई जनताले विश्वास गरेर जिताएको भन्दै आफु सोलुखुम्बुलाई विकास गर्नमा लागी पर्ने बताउनुभयो । सगरमाथाको जिल्ला सोलुखुम्बुको सिर सधै सगरमाथाको सिर जस्तै उच्च हुने गरी काम गर्ने बताउनुभयो । 
     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org