समाचार

  • महादेव घट्टे खोला लघुजलविद्युत आयोजनाको काम सुचारु ।

    news

    माघ २६, सोलु एफ एम
    सोलुखुम्बु –व्यक्तिगत जग्गामा अनुमति नलिई पावर हाउस निमार्ण गरिदाँ रोकिएको महादेव घट्टे खोला लघुजलविद्युत आयोजनाको काम सुचारु हुनेभएको छ । सोलुदुधकुण्ड नगरपालिका वडा नं ९ साविकको गोराखानी ७ मा रहेको महादेव घट्टे खोला  लघुविद्युत आयोजनाको पावर हाउस पहिरोले भत्किएपछि नयाँ पावर हाउस व्यक्तिगत जग्गामा विना अनुमति बनाईएपछि रोकिएको काम जग्गा धनीले सहमति दिएपछि सुरु हुने भएको वडा कार्यालयका निमित्त प्रमुख आङफुरा शेर्पाले जानकारी दिनुभयो ।
    वडा कार्यालयमा पहलमा जग्गा धनीलाई मनाएपछि काम अघि बढ्ने भएको हो । निमार्ण उपभोक्ता समितिका दुई जना सदस्यले गएर माफी मागेपछि कुनै पनि शुल्क समेत नलिने गरी जग्गा धनी पेमा शेर्पाले काम अघि बढाउन सहमति दिनुभएको छ ।  ४ लाख बराबरको काम भईसकेको भन्दै निमार्ण उपभोक्ता समितिका अध्यक्ष ङिमा तामाङले चाडै काम सम्पन्न गरेर बत्ति बाल्ने बताउनुभयो । 
     १५ किलोवाट क्षमताको लघुविद्युत आयोजनाको पावर हाउस   गत माग ३ गते बुधबार पहिरो गएर भत्किएपछि अहिले १ सय १७ घर अन्धकारमा बस्न बाध्य भएका छन् । 
     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org