कार्यक्रम उत्पादक तथा प्रस्तोता आवश्यकता सम्बन्धि सोलुखुम्बुको सुचना प्रदेश नम्बर १ कै पहिलो सामुदायिक रेडियो १ हजार वाट क्षमता मार्फत प्रदेश नम्बर १, २ र ३ को सम्पुर्ण भुभागका प्रशारण क्षमताको सोलु एफ एम १०१.२ मेगाहर्जमा आकर्षक सेवा सुविधा सहित समाचार सहायक, कार्यक्रम उत्पादक तथा प्रस्तोता केहि संख्यामा आवश्यक परेकाले इच्छुक योग्यता पुगेका नेपाली नागरिकबाट दरखास्त आवहान गरिन्छ । शैक्षिक योग्यता ः पत्रकारीता बिषयमा आईएड वा सो सरह उत्तीर्ण गरि रेडियोमा समाचार तथा कार्यक्रमको क्षेत्रमा कम्तीमा १ बर्षको कार्यअनुभव भएको । उमेर ः १८ वर्ष पुरा भई ४५ बर्ष ननाघेको, रेडियो तोकेको जुनसुकै क्षेत्रमा गई काम गर्नसक्ने थप जानकारीका लागि मो. ९८५२८५१००७, ९८०८९२५४४८ र ९८४२८६८४९३ इमेल मार्फत पनि निवेदन दिन सकिने छ । इमेल ठेगाना ः solufm@gmail.com सम्पर्क मिति २०७४ साल पुस ५ गते सम्म सेवा सुविधा खाना बस्न, गाडीभाडा सहित मासिक आपसी समझदारीमा ।
ताजा खबर

समाचार

  • कुलुङ अचार उद्योग महाकुलुङमा

    news

    १ फागुन, सोलुखुम्बु - सोलुखुम्बुको महाकुलुङ गाउँपालिका वडा नं ५ गुदेलमा कुलुङ अचार उद्योग संचालनमा आएको छ ।  १ दशक बढी समय पत्रकारीतामा आबद्ध रहेका  महाकुलुङ गाउँपालिका वडा नं ५ गुदेल घर भएका विवश कुलुङले पत्रकारिता सँगै अचार बनाउने उद्यम सुरु गर्नुभएको हो । जिल्लामै पहिलो पटक अर्गानिक अचार उत्पादन गर्ने उद्योग संचालनमा आएको दावी कुलुङले गर्नुभयो  । 
    दुर्गम विकास समाज गुदेल नामक संस्थाबाट  राष्ट्रिय युवा परिषद्मा प्रस्तावना पेश गरिएपछि विना व्याज ऋण उपलब्ध भएसँगै उद्योग स्थापनाको बाटो खुलेको अध्यक्ष कुलुङले बताउनुभयो । ५ लाख रकम विना व्याज प्राप्त गरिएपछि एक महिना अघि देखि अचार उत्पादन सुरु भएको छ । 
    स्थानीय स्तरमा उत्पादित कच्चा पदार्थहरु लसुन, गाँजर, काउली, कागती,केराउ समेत प्रयोग गरी  खुर्सानी, तामा, लप्सी तथा टिम्बुरको  ९५ प्रतिशत अर्गानिक अचार उत्पादन गरिएको हो ।
     
    मुख्य बजारको रुपमा अहिले वुङ, छेस्काम, गुदेल र सोताङ रहेको छ  । विस्तारै  अहिले सदरमुकाम सल्लेरी, लुक्ला तथा  नेचाबाट समेत माग आएकोले आफु यसप्रति उत्साहित बनेको कुलुङले बताउनुभयो । विशेषगरी होटल व्यवासायी तथा घरायसी प्रयोजनाका लागि अचारको माग हुने गरेको छ । 
    सुरुवाती चरणमा भएकाले बजारको मागलाई मध्यनजर गर्दै ८ सय देखि ९ सय केजि मासिक विक्री गर्ने  योजना बनाइएको उहाँले बताउनुभयो । अचार तयार हुनका लागि एक हप्ता समय लाग्छ भने १८ महिना सम्म राखेर खान सकिन्छ । १८ महिना पछि भने अचारमा  ढुसी पलाउने र कुहिने समस्या देखिन सक्छ । अचारको प्रतिकेजि ३ सय रुपियाँ पर्ने उद्योगले जनाएको छ ।
    नयाँ सम्भावना खोजेर काम गर्न प्रति आफ्नो रुची रहेको भन्दै कुलुङले आगामी दिनमा अचार उद्योगमा थप जनशक्ति राखेर उत्पादन बढाउँदै स्थानीय स्तरमा उत्पादिन कृषि उपजको सदुपयोग बढाउने बताउनुभएको छ । उद्योगको नेतृत्व गरीरहेका कुलुङले एकजनालाई रोजगार समेत दिनुभएको छ । अचार बनाउनका तालिम प्राप्त गरी दक्ष बन्नुभएका महाकुलुङ गाउँपालिका वडा नं ५ का  एलिना राईले उक्त उद्योगमा रोजगारी पाउनुभएको छ ।  
     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org