समाचार

  • बाँदर व्यवस्थापन समिति गठन ।

    news

    रामधन राई 
    सोलु एफ.एम १६ मंसिर 
    खोटाङ ः खोटाङका बाँदर पीडित किसानहरुलेले बाँदर व्यवस्थापन समिति गठन गरेका छन् । आईतबार दिक्तेलवजारको हेलीप्याडमा भएको पीडित किसानका भेलाले दुर्गाप्रसाद घिमिरेको संयोजकत्वमा ७५ सदस्यीय बाँदर व्यवस्थापन समिति गठन गरेको हो ।
     खेतबारीका अन्नबाली सखाप पारिदिने बाँदर नियन्त्रणको उपायको खोजीमा भेला भएका किसानले गठन गरेको समितिको उपाध्यक्षमा दिपक राई, सचिवमा ज्ञानप्रसाद ढुंगाना  र कोषाध्यक्षमा अञ्चल राई चयन हुनुभएको छ । यसअघि पटक–पटक छलफल र भेला गर्दैआएका दिक्तेल रुपाकोट मझुवागढी नगरपालिकाभित्रका दिक्तेल, बाम्राङ, खाल्ले, लफ्याङ, नेर्पा, दोर्पाचिउरीडाँडा, विजयखर्क लगायतका ठाउँका बाँदर पीडित किसान निर्णायक ‘एक्सन’ तयारीमा भेला भएका हुन् ।
     वर्षेनी बाँदरले खेतबारीका अन्नबाली नष्ट पारिदिने भएकाले बाँदरलाई बन्दुकले हानेर मार्न पाउनुपर्ने वा अन्यत्र जंगलमा लखेटेर पु¥याउनुपर्ने किसानको माग छ । बाँदर नियन्त्रणका लागि आगामी माघमा बैठक बसेर स्थानीय सरकार समक्ष माग राख्ने निर्णय गरिएको बाँदर व्यवस्थापन समितिका अध्यक्ष घिमिरेले बताउनुभयो ।
    खेतबारीमा लगाएको मकै, गहुँ, कोदो, अलैंची, आलु, धान, मास, दाल, करेला, सुन्तला, कागती, केरा लगायतका बालीनाली सखाप बनाइदिने गरेका कारण किसान आजित भएको खोटाङ सहकर्मी रामधन राइईछन् ।
     

सामाजिक संजाल

Contact

Community Radio Solu FM 101.2 MHz - [First community radio of eastern Nepal
Solududhkunda Municipality 6, Dorpu Bazar, Solukhumbu
Contact No.
Web Site - www.radiosolu.org