समाचार

  • हाइटीः मानिसको भिडमा एक्कासी गाडी चलाउँदा ३४ जनाको मृत्यु

    news

    फागुन ३० – हाइटीमा तीब्र गतिमा रहेको बसले एक्कासी दिशा परिर्वतन गरेर मानिसको भिडमा लैजाँदा कम्तिमा ३४ जनाको ज्यान गएको छ । राजधानी पोर्ट–ओ–प्रिन्सबाट एक सय ५० किलोमिटर पर रहेको गोनाइभ्स शहरमा यो घटना भएको हो ।बसले पहिले दुई जना पैदल यात्रीलाई ठक्कर दिएको थियो । त्यसमा एक जनाको ज्यान गएको र त्यसलगतै ड्राइभरले गाडीको दिशा परिवर्तन गरी बाटोमा रहेका संगीतकर्मीको समूहमा गाडी चलाएको स्थानीय सञ्चारमाध्यमलाई उद्धृत गर्दै बिबिसीले जनाएको छ । घटनामा केही मानिस घाइते भएका छन् ।उनीहरुलाई स्थानीय अस्पतलामा भर्ना गरिएको समाचार संस्था एएफपीले जनाएको छ । मानिसको भिडमा गाडी चलाएपछि ड्राइभर भाग्ने प्रयास गरेपछि भागदौड स्थिति तनावग्रस्त बनेको थियो । त्यसले गर्दा ज्यान जानेको संख्या बढेको प्रत्यक्षदर्शीले बताएका छन् । घटनापछि स्थानीयले गाडी जलाउने प्रयास गरेका थिए ।

    अहिले बस तथा त्यसका ड्राभर आफूहरुको नियन्त्रणमा रहेको सरकारी अधिकारीले बताएका छन् । ड्राइभरले एक्कासी गाडीको दिशा परिवर्तन गर्नुको कारण भने खुलेको छैन ।

Contact

Community Radio Solu FM 101.2 MHz - [First community radio of eastern Nepal
Dudhkunda Municipality 6, Dorpu Bazar, Solukhumbu
Contact No.
Web Site - www.radiosolu.org