ताजा खबर

समाचार

  • वेष्टब्रोमसँग हार्‍यो आर्सनल, शीर्ष चारको लक्ष्यमा धक्का

    news

    ५ चैत, काठमाडौं । क्रेग डोसनको दुई गोलको मदतमा वेष्टब्रोमले इंग्लिस पि्रमियर लिग फुटबलमा आर्सनलमाथि जित हात पारेको छ ।

    शनिबार भएको खेलमा वेष्टब्रोमले आर्सनलमाथि ३-१ को प्रभावशाली जित हात पारेको हो । यो हारसँगै आर्सनल शीर्ष चारमा रहेका टोलीहरुसँगको अंक दुरी घटाउने मौका गुमाएको छ ।

    घरेलु मैदानमा भएको खेलमा वेष्टब्रोमले १२ औं मिनेटमा डोसनको गोलबाट अग्रता लिएको थियो । तर, तीन मिनेटमा नै आर्सनलले बराबरी गोल फर्कायो । उसका लागि एलेक्स सान्चेजले गोल गरेका थिए ।

    दोस्रो हाफमा वेष्टब्रोम हाबी भयो । ५५ औं मिनेटमा रोब्सन कानुले गोल गर्दै घरेलु टोलीलाई २-१ को अग्रता दिलाए । खेलको ७५ औं मिनेटमा डोसनले व्यक्तिगत दोस्रो गोल गरेपछि आर्सानल ३-१ ले पराजित भयो ।

    आर्सनल २७ खेलबाट ५० अंकका साथ पाँचौं स्थानमा छ भने ४३ अंक जोडेको वेष्टब्रोम आठौं स्थानमा छ ।

Contact

Community Radio Solu FM 101.2 MHz - [First community radio of eastern Nepal
Dudhkunda Municipality 6, Dorpu Bazar, Solukhumbu
Contact No.
Web Site - www.radiosolu.org