सोलुखुम्बु । नेपाल पत्रकार महासङ्घ सोलुखुम्बुले पत्रकार सुरेश रजकको हत्या र सञ्चार गृहमाथि आक्रमणमा संलग्नलाई कानुनी कारबाही गर्न माग गरेको छ ।  आज सल्लेरीमा विरोध प्रदर्शन गर्दै नेपाल पत्रकार महासङ्घ सोलुखुम्बुले घटनामा संलग्न दोषीहरूमाथि कडा कारबाही गर्न सरकारसँग माग गरेको हो ।

काठमाडौँमा पत्रकार सुरेश रजकको हत्या, अनलाइन खबरका पत्रकारमाथि भएको आक्रमण, कान्तिपुर टिभी, अन्नपूर्णपोस्टको कार्यालयमा गरिएको आगजनी तथा तोडफोड र विरुद्ध नेपाल पत्रकार महासङ्घ सोलुखुम्बुले विरोध प्रदर्शन हो । 

नेपाल पत्रकार महासङ्घ सोलुखुम्बुका अध्यक्ष सुवास दर्नालले विरोध सभालाई सम्बोधन गर्दै शुक्रवार भएको रजकको हत्या र सञ्चारमाध्यममा भएको आक्रमण निन्दनीय र भत्र्सनायोग्य रहेको बताउनुभयो । 

हिजो शुक्रवार तीनकुनेमा भएको आन्दोलनमा एभिन्युज टेलिभिजनमा कार्यरत पत्रकार सुरेश रजकको ज्यान गएको थियो । साथै केही सञ्चार गृहमा तोडफोडसमेत भएको थियो । 

आज पत्रकार महासङ्घको स्थापना दिवससमेत हो । तर महासङ्घले पूर्वनिर्धारित कार्यक्रम स्थगित गरी विरोध प्रदर्शन गरेको हो ।दिवसको अवसरमा नेपाल पत्रकार महासङ्घ सोलुखुम्बु शाखाले बिरामीलाई फलफूल वितरणको साथै दीप प्रज्वलन कार्यक्रम तय गरेको थियो ।  कार्यक्रममा जिल्ला स्थित पत्रकारहरूको उपस्थिति रहेको थियो ।