सोलुखुम्बु:  सोलुखुम्बुको सोलु दुधकुण्ड नगरपालिका ६ मा भालुको आक्रमणबाट एक जना घाईते भएका छन् । नगरपालिकाको  वडा नम्बर ६ दोर्पु आज दिउँसो  करिब ३ बजे आफ्नै घरको आगनमा भालुले आक्रमण गरेर घाइते बनाएको जिल्ला प्रहरी कार्यालय सोलुखुम्बुका सूचना अधिकारी मौसम तामाङले जानकारी दिनुभयो । 
    भालुको आक्रमणबाट ७० वर्षीय निरकाजी मगर गम्भिर घाइते हुनुभएको छ । उहाँको, दाहिने  हात, टाउँको र पेटमा गम्भिर चोट लागेको छ । स्वास्थ्य चौकी दोर्पुमा प्रारम्भिक उपचार पश्चात थप उपचारका लागि जिल्ला अस्पताल फाप्लु लगिएको छ ।