सोलुखुम्बु । खुम्बु पासाङल्हामु गाउँपालिकाको थामेमा बाढीका कारणले क्षति भएको खानेपानी योजनाहरूको मर्मतका लागि कोशी प्रदेश सरकारबाट खानेपानीको पाइप प्रदान गरिएको छ । कोशी प्रदेश सांसद एवं पूर्व मन्त्री बुद्धि कुमार राजभण्डारीको पहलमा कोशी प्रदेश सरकारबाट थामेका साम्दे र हुंगु खानेपानी योजना पुन निर्माणका लागी पाइप प्रदान गरिएको हो ।

बाढीले क्षति पु¥याएको खानेपानी मर्मतका लागी कोशी प्रदेश सरकारबाट ५० एम एमको ८ सय मिटर, ४० एम एमको १५ सय मिटर र ३२ एम एमको  एक हजार मिटर पाइप विराटनगरबाट सोलुखुम्बुको सदरमुकाम सल्लेरी आइपुगेको खुम्बु पासाङल्हामु गाउँपालिका वडा नम्बर ४ का वडा अध्यक्ष लक्ष्मण अधिकारीले बताउनु भएको छ ।

प्रदेश सरकारबाट प्राप्त पाइप हाल फाप्लु एयरपोर्टमा रहेको र मौसम सुधार भए पश्चात प्रभावित क्षेत्र लैजाने तयारी रहेको वडा अध्यक्ष अधिकारीको भनाई रहेको छ ।