सगरमाथा आधार शिविरमा एक जोडीको विवाह
सोलुखुम्बु : विश्वको सर्वोच्च शिखर सगरमाथाको आधार शिविर (एभरेस्ट बेस क्याम्प) मा एक विदेशी जोडी विवाह बन्धनमा बाधिएका छन । समुद्री सतहदेखि करिब ५ हजार ३ सय ६४ मिटरको उचाइमा अवस्थित आधार शिविरमा क्याटिना लेम्पेसिस सागानोस र जोसेफ डान्योले एकअर्कासँग विवाह गरेका हुन ।
विश्वकै प्रसिद्ध तथा साहसिक हिमाली गन्तव्यमा आयोजित यस मनमोहक र अनौठो विवाहले प्रेम र साहसलाई एकैसाथ जोडेको छ । हिउँले ढपक्क ढाकिएको मनोरम हिमशृङ्खलाको पृष्ठभूमिमा सम्पन्न भएको यो विवाह समारोह सामान्य वैवाहिक कार्यक्रमभन्दा निकै पृथक र स्मरणीय बनेको छ । उक्त जोडीको विवाहका तस्बिर तथा विवरणहरू सार्वजनिक भएसँगै सामाजिक सञ्जालमा निकै चर्चा भइरहेको छ । हिमाली क्षेत्रको पर्यटन प्रवद्र्धनमा समेत यस्ता रचनात्मक तथा साहसिक वैवाहिक गतिविधिहरूले सकारात्मक सन्देश प्रवाह गर्ने र नेपाललाई ’एडभेन्चर वेडिङ डेस्टिनेसन’ का रूपमा चिनाउन मद्दत पुग्ने पर्यटन व्यवसायीहरूको विश्वास छ ।
ताजा खबर
सबै- हरिवोधनी एकादशीमा सोलुखुम्बुका विभिन्न स्थानमा मेला
- भोटेकोशी बाढीमा बेपत्ता सोलुका ५२ परिवारलाई आर्थिक सहयोग वितरण
- विश्व बाल दिवस : सोलुखुम्बुमा बालबालिकाको सहभागितामा सचेतनामुलक र्याली
- सोलुखुम्बु बहुमुखी क्याम्पसलाई १ करोड ६० लाख बराबरका आइटी सामग्री हस्तान्तरण
- गाउँ सहर फाउण्डेसनद्वारा १११ विद्यार्थीलाई कपडा र शैक्षिक सामग्री वितरण






